ഇത്തരം മുഴകളെക്കുറിച്ചും ഇവയുടെ ആരോഗ്യപരമായ കാര്യങ്ങളെക്കുറിച്ചും അറിയൂ,
ശരീരത്തില് ഈ ചിത്രത്തില് കാണുന്ന പോലെ ചെറിയ മുഴകള് ചിലരുടെ ശരീരത്തിലെങ്കിലുമുണ്ടായിരിയ്ക്കും. ഇവ പ്രത്യേകിച്ചു വേദനയുള്ളവയാകില്ലെങ്കിലും ചിലപ്പോഴെങ്കിലും പലര്ക്കും ഇതെന്താണെന്ന കാര്യത്തില് ആശങ്കയുണ്ടാകുന്നതു സ്വാഭാവികം. പ്രത്യേകിച്ചും ക്യാന്സര് ഇപ്പോഴത്തെ സമൂഹത്തില് പടര്ന്നു പിടിയ്ക്കുന്ന സാഹചര്യത്തില്.
ലിപോമ എന്നാണ് ഇത്തരം ചെറിയ മുഴകള് അറിയപ്പെടുന്നത്. ചിലരുടെ ശരീരത്തില് പലയിടത്തായും ഇത്തരം മുഴകള് കാണാം.
ഇത്തരം മുഴകളെക്കുറിച്ചും ഇവയുടെ ആരോഗ്യപരമായ കാര്യങ്ങളെക്കുറിച്ചും അറിയൂ,
ലിപോമ കൊഴുപ്പുകോശങ്ങളാണ്. ചര്മത്തിനടിയില് കൊഴുപ്പുകോശങ്ങള് വളരുന്നതാണ് ഇതിനു കാരണമാകുന്നത്.
ഇവ ക്യാന്സറോ ക്യാന്സറായി മാറുന്നവയോ അല്ല, സാധാരണ ഗതിയില് വേദനയുണ്ടാക്കാറുമില്ല.
കഴുത്ത്, കയ്യുടെ മുകള് ഭാഗം, തുടയുടെ മുകള്ഭാഗം, പുറം, കക്ഷം തുടങ്ങിയ ഭാഗങ്ങളിലാണ് സാധാരണയായി ഇവ കാണാറുള്ളത്.
ഇവ സാധാരണ ഗതിയില് ഒരു സെന്റീമീറ്റര് മുതല് 3 സെ്ന്റീമീറ്റര് വരെ വലിപ്പമുള്ള, അങ്ങോട്ടുമിങ്ങോട്ടും തെന്നിമാറുന്നവയാണ്. വേദനയുണ്ടാകില്ല. സാധാരണ ഗതിയില് ഇവയുടെ വലിപ്പം വര്ദ്ധിയ്ക്കാറുമില്ല.
ഇവ കൊഴുപ്പുകോശങ്ങള് വളരുന്നതാണെങ്കിലും തടിയുള്ളതോ ശരീരത്തില് കൊഴുപ്പുള്ളതോ അല്ല കാരണം. പാരമ്പര്യമാണ് ഇതിന് സാധാരണ കാരണമായി പറയുന്നത്. അതായത് ജീനാണ് കാരണം.
സാധാരണ ഗതിയില് ഇവ അപകടകാരികളല്ല. എന്നാല് ചിലത് ശരീരത്തിനുള്ളിലായിരിയ്ക്കും. അതായത് ഇവയുടെ കൂടുതല് ഭാഗവും ശരീരത്തിലേയ്ക്കു തള്ളിയിരിയ്ക്കുന്നതു കൊണ്ടുതന്നെ ചില ആന്തരികാവയവങ്ങളെ ബ്ലോക്ക് ചെയ്യും. ഇതുപ്രശ്നമുണ്ടാക്കും.
ചിലപ്പോള് ലിപോമ കുടലിനെ പ്രവര്ത്തനത്തെ തടസപ്പെടുത്തും. ഇത് മലബന്ധം പോലുള്ള അസ്വസ്ഥതകളും വയര് സംബന്ധമായ പ്രശ്നങ്ങളുമുണ്ടാക്കും. ഇത്തരം ഘട്ടങ്ങളില് ഇത് ചെറിയൊരു സര്ജറി വഴി നീക്കം ചെയ്യേണ്ടി വരും.
ലിമോപ സാധാരണ ഗതിയില് ക്യാന്സര് കാരണമാകാറില്ലെങ്കിലും കൊഴുപ്പു കോശങ്ങളിലെ ലിമോസാര്കോമാസ് വളറെ അപൂര്വമായി ക്യാന്സറാകാറുണ്ട്. ഇത്തരം മുഴകള് പെട്ടെന്നു വളരുകയോ പുതിയ മുഴകളുണ്ടാകുകയോ ചെയ്യുന്ന ഘട്ടങ്ങളില് ഡോക്ടറെ കാണേണ്ടത് അത്യാവശ്യം.
0 Comments